مجدك يا سوريا عالي
و جبينك بالعز يلالي
وأنا سوري يا بلادي سوري
وتراب بلادي رأس مالي
أنا سوري والدنيا تشهد
كم سوري بأرضي يستشهد
واللي مابيعرف تاريخي
هلأ بعينه يشوف المشهد
أنا سوري وبدي حرية
وبدي حقي الميه بميه
حالي حال شعوب العالم
ملينا الديكتاتورية
افدي بلادي بروحي ودمي
وبخيي وبخالي وعمي
وكل أهلي يفدون بلادي
وهيك وصيه بيي وأمي
حرة يا سوريا حرة
وبضلي بعيوني دره
يا شامي بجبين العالم
يا بلادي تسلم هالغره
ثورتنا ثوره شعبيه
ورايتنا رايه سلميه
لو مهما يحصل مايحصل
نحنا ضد الطائفيه
وين الأمه الإسلاميه
وين النخوة العربية
وين العالم كله عنا
وين الرحمه والحنيه
وين الشعب العربي وينه
ليش ايامه مثل سنينه
يسمع شو اللي حاصل فينا
وبالقنوات يشوف بعينه
وين الرؤساء وين القمه
ماسمعنا منهم ولا كلمه
مابتشوفوا الدم السائل
شو بتستنوا الهمه الهمه
حطو حد لشلة حزبه
من شان الله ملينا كذبه
ونحنا قلنا له ولاشكاله
خاين يلي بيقتل شعبه
خاين يلي بيقتل شعبه
خاين يلي بيقتل شعبه
نسأل الله في هذه الأيام المباركة
أن ينصر إخواننا في سوريا
على هذا النظام الظالم
وأن يرحم شهدائهم
ويصبر أهليهم
آمين
أخي المبارك / أختي المباركة: ساهم معنا في نشر الموضوع عبر المواقع والمنتديات والبريد الإلكتروني حتى تنال الأجر وينتشر الخير بإذن الله
ليست هناك تعليقات:
إرسال تعليق